Franca dhe Gjermania kanë furnizuar me armë Rusinë. Dy shtetet perëndimore kanë shitur pajisje ushtarake në një vlerë prej 273 milion eurosh, armë që tani mund të përdoren kundër Ukrainës, shkruan Telegraph.
Ata dërguan pajisje, të cilat përfshinin bomba, raketa, dhe armë, në Moskë, pavarësisht një embargoje të gjerë të BE-së për dërgesat e armëve në Rusi, e futur në vazhdën e aneksimit të Krimesë në vitin 2014, shkruan the Telegraph.
Komisioni Evropian u detyrua këtë muaj të mbyllte një boshllëk në bllokadën e tij pasi u zbulua se të paktën 10 shtete anëtare eksportuan pothuajse 350 milionë euro (294 milionë £) pajisje për regjimin e Vladimir Putinit. Rreth 78 për qind e këtij totali u furnizua nga firmat gjermane dhe franceze. Olaf Scholz, kancelari gjerman, është përballur me kritika të ashpra këtë javë për hezitimin e tij për të ofruar armë të rënda për Ukrainën. Përpjekjet e Emmanuel Macron për të negociuar me Putinin gjithashtu e kanë vendosur atë ne qendër të kritikave.
Si Parisi ashtu edhe Berlini i kanë rezistuar një ndalimi të BE-së për blerjen e gazit nga Rusia, me bllokun që aktualisht i paguan Moskës 1 miliardë euro (840 milionë £) në ditë për furnizimet me energji.
Raporti i BE-së doli pasi një komandant i lartë rus tha se Moska kishte zgjeruar qëllimet e saj për të marrë “kontrollin e plotë” të Ukrainës jugore, si dhe rajonin lindor të Donbasit.
Forcat ruse do të krijonin një urë tokësore për në Krime dhe mund të shtynin deri në kufirin e Moldavisë, tha gjeneralmajor Rustam Minnekayev, zëvendëskomandanti i qarkut ushtarak qendror rus.tch
