“Ja ç’do të ndodhë nëse fiton kundërshtarja” Macron bën deklaratën e fortë për Le Pen

Presidenti i Francës Emmanuel Macron ka deklaruar se Rusia tregoi një gatishmëri të qartë për përshkallëzimin e mëtejshëm të luftës në Ukrainë dhe do të intensifikojë armiqësitë në javët e ardhshme.

Në një intervistë për median italiane “Corriere della Sera” përpara raundit të dytë të zgjedhjeve presidenciale franceze të dielën, ai tha se pret që lufta të përkeqësohet përpara 9 majit, një datë simbolike e njohur si Dita e Fitores së Rusisë.

“Rusia do të intensifikojë sulmet e saj në Ukrainën lindore dhe ne do të duhet të marrim vendime”, tha Macron, duke iu referuar mundësisë së sanksioneve të mëtejshme të BE-së kundër Rusisë, por shtoi se “nuk është ende” koha për embargo ndaj naftës dhe gazit rus.

“Duke pasur parasysh krimet e luftës që tani janë konfirmuar, zgjedhjet e bëra nga Rusia, mënyra se si e bëri luftën në Donbas dhe Mariupol, provokimet për (armët) bërthamore dhe testet e kryera të mërkurën, ka padyshim dëshira për përshkallëzim”, tha presidenti francez.

Macron, një centrist pro-evropian, aktualisht po kryeson sondazhet e opinionit francez përpara kundërshtares së tij të ekstremit të djathtë, Marine Le Pen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në një intervistë, ai argumentoi se fitorja e Le Pen do të nënkuptonte “fundin e Bashkimit Evropian dhe fundin e boshtit franko-gjerman”, për shkak të pikëpamjeve të saj euroskeptike dhe pro-ruse.