Nga 1 Maji paga minimale shkon në 713 euro

Paga e re minimale nga data 1 maj nga 663 që është sot do të rritet në 713 euro (613 neto). Sakaq, paga ditore rritet në 31.85 euro nga 29.62 që është sot.

Paga mujore në qoftë se merret parasysh pagesa prej 14 pagash në vit arrin në 831.8 euro nga 773.5 euro sot.

Me një rritje prej 7.5%, ose 50 euro në muaj të shpallur nga kryeministri, Greqia renditet në vend të nëntë në mesin e 21 vendeve të BE-së që kanë një pagë minimale ligjore.

Konkretisht, me rritjen në 831.8 euro me bazë 12-mujore, pagat minimale në Greqi rriten në renditje me dy vende, duke kaluar Portugalinë (822.5 euro) dhe Maltën (792.26 euro).

Referuar shënimit informativ të Ministrisë së Punës, afro 650 mijë të punësuarit që paguhen me pagë minimale do të kenë një pagë shtesë në vit (50 euro rritja mujore prej 14 pagash = 700 euro).

Megjithatë, paga më të larta mund të priten për të martuarit me deri në 9 vite shërbim.