Një ngjarje e rëndë ka ndodhur në Tiranë. Një shofer ka përplasur një polic dhe është larguar nga vendi i ngjarjes. Ngjarja ka ndodhur në rrugën “Thoma Koxhaj” ku mjeti tip “Ford”, në pronësi të D. M., me drejtues ende të paidentifikuar, goditi punonjësin e Policisë Z. M., me detyrë Oficer i Patrullës së Përgjithshme. Polici ndodhet në spital, jashtë rrezikut për jetën, teksa autori është shpallur në kërkim.
Njoftimi i policisë
Tiranë/Informacion paraprak
Më datë 21.04.2022, në rrugën “Thoma Koxhaj”, mjeti tip “Ford”, në pronësi të shtetases D. M., me drejtues ende të paidentifikuar, ka goditur punonjësin e Policisë Z. M., me detyrë Oficer i Patrullës së Përgjithshme, dhe është larguar.
Si pasojë punonjësi i Policisë është dëmtuar dhe ndodhet në spital, jashtë rrezikut për jetën.
Grupi hetimor po punon për identifikimin dhe kapjen e drejtuesit të mjetit dhe sqarimin e rrethanave të ngjarjes.
