Vranësirat e shpeshta vijojnë të jenë prezente në vend, duke bërë që Shqipëria të jetë në dominimin e motit të vranët. Sipas Meteoalb, parashikohet që vranësirat herë pas here të pësojnë një zhvillim duke sjellë reshje shiu në zonat Veriore dhe ato Veriperëndimore. Gjithashtu pjesërisht Qendra pritet të ketë momente me pika shiu. Sakaq, zonat Jugore do të jenë me vranësira ku mundësit për shira të pakët do të jenë shumë të ulëta.
Temperaturat e ajrit do të vijojnë rritjen në mëngjes dhe në mesditë duke luhatur vlerat ditore nga 3°C deri në 23°C.
Era do të fryjë e mesatare dhe deri e fortë me shpejtësi 55 km/h nga drejtimi Jugor – Jugperëndimor duke krijuar në brigjet detare dallgëzim mbi 4 ballë.
