Kreu i grupit parlamentar të Partisë Socialiste Taulant Balla ka deklaruar me besim të plotë se konsultimet me opozitën do të sjellin zgjedhjen e një presidenti të shqiptarëve me konsensus.

Duke folur për mediat pas përfundimit të konsultimeve me Fatmir Mediun, ai u shpreh se pret që në vijim të takohet edhe me Enkelejd Alibeajn, takim i cili u shty pasi Partia Demokratike nuk ka mbledhur Grupin Parlamentar.

Nesër do t’i drejtohemi me një shkresë Kryetares së Kuvendit për të ndryshuar afatat dhe në ditët në vijim do të ketë një konfirmim nga Alibeaj për shkak se sot ka qenë e pamundur për t’u takuar për shkak të disa rrethanave sepse Grupi i PD nuk është mbledhur. Ajo që për mua ka rëndësi është që ky proces po ecën Brenda një kalendari të shpejtë e të hapur. Duam një process transparent. Ajo që vërejta nga takimi me Mediun do të arrijmë të identifikojmë binarët që të ecim në shinat e këtij procesi. Niveli i dialogur në Kuvendin  e Shqipërisë është I qëndrushëm për t’i dhënë vendit një president me konsensus. Ne duam që Shqipërisë t’i japim një President të shqiptarëve. Mediu ka bërë një kërkesë që opozita të ketë një grup përfaqësuesish të unifikuar. Ne duam që procesi të zhvillohet Brenda Kuvendit të Shqipërisë dhe mes Grupeve Parlamentare.

A ka ndonjë emër të preferuar?

Nuk do të bëjmë publikë emrat e propozuar. Janë administruar, janë pjesë e strukturimit të disa propozimeve që kanë ardhur nga deputetët.