Një sulm me bombë u shënua mëngjesin e sotëm ndaj një autobusi i cili po transportonte gardianë burgu në Bursa të Turqisë. Paraprakisht mediat turke raportojnë për një të vdekur dhe disa të plagosur. Dyshohet se kemi të bëjmë me një sulm terrorist.
Në një reagim të menjëhershëm për mediat, ministri i Brendshëm të Turqisë, Suleyman Soylu tha se po punohet për kapjen e autorëve të mundshëm.
Turqia ndodhet në prag të zgjedhjeve dhe është bërë rutinë tanimë që sulme të tilla të ndodhin para fushatave elektorale në vend me qëllim rritjen e tensioneve.
