Ndjekje si nëpër filma, policia arreston nëpër rrugica 3 shqiptarët

Karabinierët e Parmas kanë vënë në pranga tre të rinj me origjinë nga Shqipëria mbrëmjen e kaluar pas vjedhjes së një shtëpie që kishte ndodhur në zonën e stadiumit, pikërisht në rrugën “Puccini”. Mediat shkruajnë se pasi të rinjtë ishin konstatuar në rrugë, Karabinierët u kishin bërë me shenjë që të ndalonin, por ata kanë vrapuar.

Karabinierët i kanë ndjekur shqiptarët për disa minuta nëpër rrugicat e qytetit, ku edhe i kanë kapur. Pas verifikimeve të kryera në garazhin ku ata qendronin, Karabinierët kanë gjetur sende të ndryshme me vlerë si varëse e unaza floriri apo edhe ora të shtrenjta, të cilat dyshohet se i kanë siguruar nëpërmjet vjedhjes së shtëpive në zonën përreth.