Deputeti i Partisë Socialiste Erion Braçe ishte sot i pranishëm në Komisionin e Ekonomisë.
Ai nuk i kurseu kritikat për qeverinë.
Teksa po diskutohej për çmimet, ish-kryeministri foli me tone të ashpra duke thënë se tregu ynë është i deformuar, me abuzime, ndërsa shoqatat që përcaktojnë këto çmime funksionojnë si kartele.
“Tregu ynë është i deformuar. Ka probleme të mëdha të konkurrencës. Janë evidente për sa kohë ne shkojmë dhe ndërtojmë një bord për të ndaluar abuzimin. Nga se vjen abuzimi? Nga mungesa e lirisë dhe e konkurrencës në treg.
Kemi shoqata që përcaktojnë çmime, që funksionojnë si kartele në treg. Bordi nesër pasnesër mbaron lufta e përfundon funksionin e tij. Duhet të rregullojmë tregun. Unë nuk dua të caktojnë çmimin që dua unë. Dua që çmimi të jetë i drejtë, të jetë produkt i kërkesës dhe ofertës. Shpenzimet e tyre janë ato që njihen nga ligji i procedurave tatimore. Referenca është vetëm ligjore. Kemi dy akte normative që ndryshojnë thelbësisht. Është rritur premio. Te akti i dytë e keni lënë të lirë, sa ta sjellin ata. Për fat të keq nuk ia tregojnë as doganës. Se e kanë në marrëveshje”, ka deklaruar ai.
