LIGJET E BIZNESIT
Deputeti Ornaldo Rakipi nuk do të përjashtohet nga grupi parlamentar.
Vendimin e ka marrë Partia Socialiste, pavarësisht se babai i tij Aqif Rakipi është shpallur “non-grata” nga SHBA.
Sipas informacioneve, në mbledhjen e Grupit Parlamentar të PS është thënë se përgjegjësia është personale, ndaj deputeti nuk ka të bëjë me akuzat që bien mbi të atin.
Pas përfundimit të takimit ka folur edhe kreu i Grupit Parlamentar, Taulant Balla, i cili tha se PS nuk përdor standarde të dyfishta.
“Nëse ka diçka që ne si familje politike dallohemi nga të tjerët është se kurrë nuk kemi përdorur standarde të dyfishta. Qëndrimi ynë është i njejtë gjithmonë dhe ne i respektojmë vendimet e Shteteve të Bashkuara, aleatit tonë strategjik,
Sipas Departamentit të Thesarit të SHBA, Aqif Rakipi është përfshirë në ndikim të dëmshëm në politikë, i implikuar me grupe të krimit të organizuar që kanë blerë vota duke ofruar para, dhurata duke premtuar vende pune në këmbim të votave.
