LIGJET E BIZNESIT
Arma kibernetike më e fuqishme në botë ka shënjestruar rrjetin kompjuterik të kryeministrit të Britanisë së Madhe Boris Johnson.
Lajmin e ka dhënë prestigjiozja ndërkombëtare “The Sun”.
Media ka sqaruar gjithashtu se programi i spiunazhit i shkallës ushtarake Pegasus mund të filmojë përdoruesit përmes kamerës së pajisjes së tyre, të regjistrojë biseda, të dëgjojë thirrje dhe të dërgojë mesazhe.
Ekspertët kibernetikë kanë pretenduar se software u zbulua në një pajisje që përdor rrjetin Number 10, më 7 korrik 2020. Ata thanë se një shkelje e ngjashme ka ndodhur edhe në Ministrinë e Jashtme.
Disa pajisje Downing Street u testuan, duke përfshirë dhe atë të Johnson, por zyrtarët nuk mund të përcaktonin se cila pajisje ishte e infektuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shkencëtarët janë të paqartë se në çfarë të dhënash mund të kenë pasur akses hackerët, por ata dyshojnë se informacioni është marrë.
Pegasus është software i shkallës ushtarake, i cili mund të ngarkohet fshehurazi në një smartphone ose pajisje dhe ka ekzistuar që nga viti 2016.
Software dikur instalohej në telefonat smart duke i inkurajuar subjektet të klikonin në një link, por tani një version më i ri i spyware-it mund të ngarkohet në një telefon pa pasur nevojë që përdoruesi të klikojë ndonjë gjë.
