Në një deklaratë për mediat, presidenti Ilir Meta është shprehur se në politikë janë të rëndësishme idetë.
I pyetur nga gazetarët se cila do të jetë shtëpia e tij e parë politike pas largimit nga posti në korrik, Kreu i Shtetit dha një përgjigje të prerë.
Pyetje: Jeni në fund të mandatit si president, cila do të jetë shtëpia juaj e parë e kujt force politike?
“Kjo është e parëndësishme për momentin do të ketë rëndësinë e duhur në momentin e duhur. Tema që folëm për arsimin 94% e të rinjve shqiptar që studiojnë jashtë nuk kthehen në vend dhe gati 70% prej këtyre që arsimohen këtu duhet të ikin nga Shqipëria, ky është trendi shqetësues i arsimit në vendin tonë. Nuk krahasohemi dot me asnjë nga universitete e rajonit , politika duhet të jetë mirëkuptuese për këtë sektor”, u shpreh Meta.
Meta tha se arsyeja që u largua nga PS në 2004 ishte pikërisht fakti që sipas tij qeveria bllokoi integrimin Evropian. Ai tha se duhet të shkohet më para në këtë proces.
“Angazhimi im politik para se të merrja detyrën e presidentit të republikës dhe përmbushja e kësaj detyre. Më parë unë jam ndarë me PS në 2004 , LSI kërkonte zhbllokimin e integrimit të Shqipërisë në BE. Ne kërkonim që ti jepnim fund korrupsionin ishte rotacioni i 2005 që solli marrëveshjen e ascocim stabilizimit me Bashkimin Europian. Ne e firmosëm në 2006, por ku jemi sot ju e dini shumë mirë. Shpresojmë që të kemi qasje tjetër në qershor, Mali i Zi dhe Serbia i kanë çelur negociatat por kjo është e papranueshme për vendin tonë që akoma pret.
