LIGJET E BIZNESIT
Një ditë para protestës së Opozitës të paralajmëruar për të filluar ditën e premte nga ora 20:00, kryetarja e LSI ka treguar se çfarë pritet të ndodhë.
Në një lidhje me emisionin “Opinion”, Kryemadhi ka thënë se protesta do të jetë paqësore dhe Rama duhet të ndalojë provokimet.
“Protesta do të jetë paqësore, do ta menaxhojmë me përgjegjshmëri të plotë. Nuk kanë faj policët e shtetit. Mos harroni që nuk është më tashmë në dorën tonë, çdo ditë që Rama provokon populli aq më shumë irritohet”, tha kryetarja e LSI-së, Monika Kryemadhi në emisionin Opinion.
E pyetur se çfarë do të ndodh në 30 qershor, Kryemadhi tha se nuk do të ketë zgjedhje.
“Si fallxhore që jam, në datë 30 Edi Rama nuk ka për të bërë dot zgjedhje. Sepse ato nuk janë zgjedhje, bëhen me kandidatë alternativë. A me votimet e veta, këta le ta shikojmë çdo vendosi populli. Përgjegjësia e opozitës tani ka mbaruar. Ne sot jemi njëlloj si qytetarët. Të gjithë këtë teatër të Edi Ramës është një teatër që kërkon të largojë vëmendjen. Ne si opozitë kemi djegur mandatet sepse kemi një qeveri ilegjitime, kemi një parlament që ka deformuar rezultatin e zgjedhjeve të 2017”, theksoi më tej Kryemadhi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
