LIGJET E BIZNESIT
SPAK do të marrë në pyetje nesër ish-ministrin Lefter Koka. Ky i fundit ndodhet në burg prej katër muajsh si i përfshirë në aferën e inceneratorëve.
Do të jenë prokurorët e SPAK Vladimir Mara si dhe Dritan Prençi ata që do të marrin në pyetje Kokën.
Sakaq, mësohet se Koka është transferuar në paraburgimin e Durrësit.
Ish-ministri i Mjedisit u vu në pranga në dhjetor të vitit 2021. Teksa SPAK shprehet se ai ka përfituar mbi 3.7 milionë euro në formë ryshfeti prej, vetë Koka i ka mohuar akuzat dhe ka pretenduar se ka vepruar konform ligjit.
Përmendim se më 14 dhjetor SPAK urdhëroi prangosjen e ish-ministrit të Mjedisit, Lefter Koka për dosjen e inceneratorit në Elbasan. Prokuroria e Posaçme akuzon ish-ministrin e mjedisit për 3 akuza. Ndaj tij rëndojnë akuzat e shpërdorimit të detyrës”, “pastrimit të parave” dhe “korrupsion”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hetimet disa mujore zbuluan se Lefter Koka favorizoi pronarët dhe administratorët e kompanisë lidhur me koncesionin e inceneratorit të Elbasanit.
Sipas SPAK Koka akuzohet se ka përfituar rryshfet në vlerën e 3.7 milion eurove nëpërmjet kompanive fiktive të zotëruara nga familjarë dhe të njohur të tij.
