Sherr i dhu nshëm pas ndeshjes Atletiko-Siti, UEFA i kërkon policisë të hyjë urgjent

Ndeshja mes Altetiko Madrid dhe Mançester Sitit është mbyllur me shumë tension sidomos për atë që ndodhi në minutat e fundit ku kishte polemika në fushë e përplasje mes lojtarëve,

Kjo me sa duket ka vazhduar edhe në dhomat e zhveshjeve. Përplasjet mes dy skuadrave kanë vijuar në tunelin që të çonte në dhomat e zhveshjeve të “Wanda Metropolitano”, ku raportohet se pjesëtarë të stafit të Atletikos janë ngacmuar me ata të Guardiolës. Më pas janë përfshirë edhe lojtarët duke krijuar një situatë shumë të pakëndshme.

Sipas mediave spanjolle, ka qenë delegati i UEFA-s ai i cili i ka kërkuar policisë spanjolle që të ndërhyjë për të qetësuar situatën, pasi stjuardët vendas nuk po e bënin një gjë të tilë. Vetëm ndërhyrja e policisë në ambientet e brendshme të stadiumit ka qetësuar gjithçka dhe ka bërë të mundur që të ndaheshin pjesëtarët e skuadrave nga njëri-tjetri./P.sport