SHBA e shpalli “non-grata”/ Reagon për herë të parë Aqif Rakipi, ja politikani që fajëson

Dy ditë më parë Departamenti i Thesarit të Shteteve të Bashkuara të Amerikës shpalli “non-grata” ish-deputetin socialist Aqif Rakipi dhe biznesmenin Ylli Ndroqi.

Ata akuzohen për përfshirje në krim të organizuar dhe korrupsion.

Por cili është komenti dhe rruga që do të ndjekë ai tani?

“5pyetjet.al” e kontaktoi Rakipin, i cili u shpreh se e keqja për sanksionet i ka ardhur nga ish-kryetari i Partisw Demokratike Lulzim Basha, denoncimet dhe akuzat e të cilit kanë qenë të shumta në vitet e fundit.

Intervista e plotë me Aqif Rakipin

A keni një koment për sanksionet e SHBA-së?

Nuk kam asnjë koment. As kam lidhje me atë pjesë fare.

A do ta ndiqni në hapa ligjorë?

Do ta shoh. Nuk kam asnjë lloj gjëje nga ata që thuhen. Të shohin a kam llogari bankare në Amerikë, a bëj biznes. Nuk kam biznes këtu dhe jo më andej.

SHBA ju cilëson si “ish-deputet famëkeq”, a do të kërkoni prova, ku bazohet?

Do i shoh.

Nuk do të nisni një proces gjyqësor?

Do të shikoj cfarë do të bëj. Do të interesohem.

A mendoni se është politike?

Po.

Po kë fajësoni?

Lul Basha e ka merakun.

Mendoni se është goditje nga Basha?

As që bëhet llaf.