I ka mbijetuar 2 helmimeve/ Arrestohet në Moskë kritiku i madh i Putinit

Vladimir Putin që prej fillimit të pushtimit të Ukrainës ka ndërmarrë nj fushatë të ashpër për të “zhdukur” zërat kundër. Së fundmi, CNN raporton se Vladimir Kara-Murza, një kritik i shquar i Kremlinit, i cili u ka mbijetuar dy helmimeve të dyshuara , është arrestuar jashtë banesës së tij në Moskë.

“Vladimir Kara-Murza u arrestua nga policia në Moskë afër shtëpisë së tij,” tha Ilya Yashin, politikan i opozitës ruse në Tëitter. “Nuk është ende e qartë se për çfarë.” – tha Yashin për CNN.

Agjencia shtetërore ruse e lajmeve RIA Novosti raportoi gjithashtu ndalimin e Kara-Murza duke cituar avokatin e tij, Vadim Prokhorov.

“Sapo mora vesh për ndalimin e tij, deri më tani nuk mund të them detaje,” tha Prokhorov për RIA Novosti.

Një intervistë më herët, Kara-Murza dënoi “agresionin” e presidentit rus Vladimir Putin në Ukrainë, ndërsa tha se beson se lufta në Ukrainë do t’i japë fund regjimit të Putinit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Unë nuk kam absolutisht asnjë dyshim se regjimi i Putinit do të përfundojë për këtë luftë në Ukrainë, nuk do të thotë se do të ndodhë nesër. Dy pyetjet kryesore janë koha dhe çmimi dhe me çmim, nuk dua të them monetar – dua të them çmimin e gjaku njerëzor dhe jetë njerëzish dhe tashmë ka qenë e tmerrshme, por regjimi i Putinit do të marrë fund për këtë dhe do të ketë një Rusi demokratike pas Putinit”, tha Kara-Murza.