Nga takimi me kryebashkiaken e Berlinit te kancelari Scholz, ja lëvizjet e rëndësishme të Ramës në Gjermani

Në kuadër të vizitës zyrtare që po zhvillon në Gjermani, kryeministri Edi Rama do të takohet sot me kancelarin gjerman Olaf Scholz.

Rama u prit dje pasdite me ceremoni zyrtare në aeroportin Brandenburg, ndërkohë që sot pritet të zhvillojë një axhendë intensive takimesh me zyrtarë të lartë.

Sipas programit të publikuar në media, në orën 10:30 Rama do të zhvillojë një vizitë në ambientet e “Factory Berlin”. Kryeministri Rama i shoqëruar nga delegacioni nis sot takimet zyrtare me takimin e parë me kryebashkiaken e Berlinit.

“Në mesditë Rama do ketë një takim me kryetaren e bashkisë së Berlinit Franziska Giffey, ku do të jetë dhe nënkryetari i Bashkisë së Tiranës Arbjan Manzikut, do diskutohet bashkëpunimi dhe një binjakëzim i mundshëm mes dy kryeqyteteve.

Ndërsa në orën 15:20, një takim bilateral me Frank-Ëalter Steinmeier, President i Gjermanisë.

Në orën 18:00, Kryeministri Edi Rama do të zhvillojë një takim kokë më kokë me Olaf Scholz, Kancelar i Gjermanisë për të vijuar me një konferencë e përbashkët shtypi në orën 18:15. Integrimi europian dhe lufta në Ukrainë do jenë dy temat kryesore të takimit me kancelarin gjerman.