“Shqipëria me taksat më të larta në Europë” Meta bën thirrje: Duhet ndalur rrënimi i bujqësisë dhe blegtorisë

Presidenti Ilir Meta ka reaguar pas deklaratës së një fermeri, i cili është shprehur se rrezikon që ti mbyllet stalla.

Kreu i Shtetit thotë se drama e blegtorëve është ulur këmbëkryq prej kohësh në vend.

Gjithashtu Meta thekson se vetëm në tre vite, u arrit të zhbëhet prodhimi i qumështit dhe mishit vendas, duke përgjysmuar numrin e bagëtive nga mospagesat e blegtorëve dhe zgjedha e taksave dhe e tatimeve më e rënda në Europë.

“Dëshpërimi i Syrjait, i cili paralajmëron mbylljen e stallës së lopëve të tij, krahas shumë bashkëfermerëve të cilët i kanë mbyllur ato prej kohësh, është drama e blegtorisë, sektorit të traditës shqiptare. Vetëm në tre vite, u arrit të zhbëhet prodhimi i qumështit dhe mishit vendas duke përgjysmuar numrin e bagëtive, nga mospagesat e blegtorëve dhe zgjedha e taksave dhe e tatimeve më e rënda në Europë. Kjo nuk është thjesht zhbërja e bujqësisë dhe e blegtorisë, por edhe e vetë Shqipërisë”, shkruan Meta i shqetësuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern