LIGJET E BIZNESIT
Muhamend Zeqiri, sekretari i deritanishëm i qeverisë maqedonase është dënuar me burg. Gjykata Themelore i dha masën e paraburgimit për 30 ditë. Zeqiri u arrestua për shpërdorim të detyrës dhe autoritet zyrtar, të lidhura me abuzimet mbi një kontratë për shërbime konsulence.
Gjyqtari vendosi masën e paraburgimit pasi sipas tij ekziston rreziku i arratisjes, zhdukjes të gjurmëve apo ndikimit të dëshmitarëve, si dhe rrezikut që ky person ta përsërisë shkeljen.
Prokuroria dyshon se pa procedurë prokurimi publik, sekretari i qeverisë në periudhën nga prilli 2021 deri në janar 2022, ka lidhur me një kompani një kontratë për shërbime konsulence që kap vlerën e përgjithshme prej rreth 941,985 euro, e që në fakt, është rreth 147,000 më shumë se vlera e parashikuar.
Vepra dyshohet të jetë kryer së bashku me dy shtetas kroatë, të cilëve gjithashtu iu dha e njëjta masë, por për shkak se nuk ndodhen në Maqedoninë e Veriut, paraburgimi do të hyjë në fuqi pas ndalimit të tyre.
