LIGJET E BIZNESIT
Kryeministri Edi Rama është distancuar përmes deklaratave të tij, nga të gjithë të korruptuarit nga gjirizi i PS-së. Në fjalën e tij, Rama tha se nuk mund të jetë e largët dita, që një ditë të çojë vetë ndonjë prej të korruptuarve në SPAK.
“Do më shikoni ndonjë ditë mua te dera e SPAK, me ndonjë prej këtyre prej veshi, edhe deputetët, se nuk po flas për nivele të tjera, që i zgjedhim në emrin e PS-së. Natyrisht që zgjedhjet tona kontestohen hera herës se këta të kolltuqeve, e mendojnë parlamentin si akademi e shkencave.
Nuk është që ti zgjedhim deputetë dhe ti mbrojmë ne, është puna që ata të mbrojnë zgjedhësit, të mbrojnë PS, të më mbrojnë edhe mua. Ta mendojnë dhe atë skenën e Guliverit me liliputët, të jap llogari unë se duan të bëjnë filma me kauboj.
Unë e di që ka rënë fare pazari në këtë vend, për të kuptuar nderin e të qenit përfaqësues i popullit, në parlament, në qeveri, apo në këshill bashkiak”, tha Rama.
Më herët Rama iu përgjigj dhe të gjithë atyre, që sipas tij thonë nën zë se ‘ai i gjati nuk i mbron të vetët’, duke thënë: Ka zëra që ky i gjati nuk të mban, të lëshon e thonë apo jo? E thonë (Salla shpërthen në të qeshura)
Unë nuk lëshoj askënd në këtë familje që bëhet shënjestër për punët e përbashkëta, i vë gjoksin, i vë fytyrën dhe zërin në dsipozcion dhe i dal unë përpara baltës që hidhet drejt kujtdo që ëhstë pjesëtar në këtë familje, kur është fjala për punë. Por unë nuk mbaj as nuk mbroj që besimin e marrë nga unë, kjo familje i përdor për të ngrënë pas shpinë zgjedhësit, gamiljen tonë edhe mua.
Borxh nuk i kam askujt që i merr koka erë, vetëm kësaj familjeje dhe pikërisht që jam dhe i gjatë si mund të mbroj unë përballë ca të vegjelvë që mbajnë mikrofona, për çfarë, për ata që nuk ndalojnë së ngrëni dhe që ju them që në botën tjetër, madje këtu në Sharrë nuk punojnë kartat e kreditit dhe as parajsat fiskale. Më mirë përgatituni të shkoni siç dilja unë në plazh sepse asgjë nuk dallon nga ata të tjerët.
