Zyrtari i lartë gjerman mbërrin të hënën në Shqipëri, zbardhet marrëveshja e rëndësishme që do firmoset

Zv.ministri gjerman i Transportit dhe Infrastrukturës Dixhitale Oliver Luksic do të vizitojë Tiranën në 11 dhe 12 prill.

Sipas njoftimit të ambasadës, mësohet se pritet të firmoset marrëveshja për njohjen e patentave shqiptare në Gjermani.

Njoftimi i Plotë nga ambasada gjermane në Tiranë:

1. Oliver Luksic, MdB, Sekretar Parlamentar i Shtetit (Zëvendësministër) në Ministrinë Federale të Transportit dhe Infrastrukturës Digjitale, do të vizitojë Tiranën në datat 11 dhe 12 Prill. Krahas bisedave për temat e lëvizshmërisë së qëndrueshme dhe tranzicionit energjetik në sektorin e transportit, në qendër të vizitës së tij është edhe nënshkrimi i një marrëveshjeje për njohjen reciproke të lejeve të drejtimit së bashku me Ministren e Infrastrukturës dhe Energjisë, znj. Belinda Balluku. Informacione të mëtejshme mbi përmbajtjen e marrëveshjes do publikohen së shpejti.