Mbetet në burg por ish-ministri Lefter Koka do pasurinë

Ish-ministri i mjedisit Lefter Koka ka kërkuar Gjykatës së Lartë lirimin nga sekuestro të pasurisë që zotëron. Koka i kërkon gjykatës së Lartë heqjen nga sekuestro të kantinës së verës, nga ku rezulton të jetë pronar me 88.19% të aksioneve.

Ky rekurs vjen pasi Koka humbi dy beteja të tjera në dy shkallë të Gjyqësorit.

Biznesi u vu në sekuestro pas hetimeve për inceneratorin e Elbasanit. Kantina u sekuestrua me urdhër të SPAK, pasi kjo strukturë e akuzon ate per akuzën e “Shpërdorimit të detyrës”, “Pastrimit të parave”, të përfituara nga korrupsioni për koncensionin e ndërtimit të inceneratorit të Elbasanit.

Ish-ministri u vu në pranga në dhjetor të vitit 2021. Por ndërsa SPAK thotë se ai ka përfituar mbi 3.6 milionë euro në formë ryshfeti, vetë ai ka mohuar akuzat duke pretenduar se ka vepruar konform ligjit.

Ndaj ndaj tij rëndon edhe një masë tjetër sigurie për aferën e inceneratorit të Fierit, ku atij iu sekuestruan edhe disa pasuri të tjera.