Një 30-vjeçare shqiptare ka rënë në prangat e policisë së Agio Panteleimon në Greqi, pasi fëmijët e saj jetonin në kushte ekstreme si dhe shfrytëzonte dhe nxirrte fëmijët e saj të mitur për të lypur.
Mediat greke bëjnë me dije se bashkëshorti i shqiptares kishte bërë denoncimin duke thënë se fëmijët e tij 2,3 dhe 6 vjeç keqtrajtohen nga nëna e tyre dhe ish bashkëshortja e tij.
Mëngjesin e sotëm policia greke ka shkuar në shtëpi dhe ka kryer hetimet. Aty u konstatua se fëmijët (dy vajza dhe një djalë i vogël) jetonin në kushte të mjerueshme, ndërsa në zonë kishte buburreca.
Mësohet madje se 30-vjeçarja i nxirrte fëmijët edhe në një kishë për të lypur. Menjëherë është vënë në dijeni Prokurori i të Miturve, ndërsa janë arrestuar nëna e tyre 30-vjeçare dhe I dashuri I saj 54 vjeç.
