LIGJET E BIZNESIT
Një person është vënë në prangat e policisë së Tiranës, pasi akuzohet për vjedhje në ambientet e QSUT-së.
Në pranga u vu një 38-vjeçar Arion Gjergo, i cili sipas bluve shtirej si pacient dhe duke përfituar nga urgjencat mjekësore, kryente vjedhje të sendeve personale të pacientëve, të cilët shkonin për të marrë mjekim dhe për të kryer vizita mjekësore.
Arion Gjergo, i dënuar edhe më herët për vjedhje, është kapur në flagrancë duke vjedhur një shumë parash në automjetin në pronësi të shtetasit me inicale R.Rr., në ambientet e spitalit QSUT, i cili kishte shkuar për vizitë mjekësore.
Nga veprimet hetimore të kryera, ka rezultuar se ky shtetas, duke u shtirur si pacient në QSUT, përfitonte nga raste e urgjencave mjekësore dhe vidhte sende të personave që shkonin për mjekim në spital.
Nga tërësia e veprimeve hetimore të kryera, dyshohet se shtetasi me iniciale A.Gj. është autor i disa rasteve të vjedhjeve të ndryshme, të ndodhura kohët e fundit, në ambientet e QSUT-së dhe në rrugën e Dibrës, njofton policia.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hetimet po vijojnë për të zbuluar nëse ka ngjarje të tjera, ku 38-vjeccari ka qenë i përfshirë. Në cilësinë e provës materiale janë sekuestruar 1 milion lekë të rinj, një orë dore dhe një çakmak.
