Nisin kërkimet për gjetjen e 10 vjeçarit që u mbyt një ditë më parë në lumin Fan të Mirditës. Që në orët e para të mëngjesit kanë filluar kërkimet për gjetjen e trupit te 10 vjeçarit. Në terren ndodhen forca të shumta policie dhe zjarrfikëse. Rrjedha e lumit vijon të jetë e fuqishme duke vështirësuar kërkimet që po kryhen.
Për të ndihmuar kërkimet krahas të afërmve, banorëve dhe policisë lokale pritet që të mbërrijnë edhe polumbarët. Në zonë vijon të ketë temperatura të ulëta të cilat pengojnë kërkimet pa mjetet e duhura e gjithë rrjedha e lumit po monitorohet.
I mituri rrëshqiti dhe më pas ra në lumë ndërsa po tentonte të merrte topin që i ra ndërsa luante. Banesa e tij ndodhej pranë lumit dhe në momentin që rrëshqiti ai nuk është parë më. Kërkimet u anuluan mbrëmjen e kaluar për shkak të errësirës për të vijuar prapë sot në mëngjes.
