Policia e Bulqizës ka ndërhyrë për lirimin e ambienteve të pallatit të kulturës të cilat përdoreshin për biznes.
Ditën e sotme ka ndërhyrë policia lokale për lirimin e ambienteve të pallatit të kulturës që përdoreshin për biznes. Të pranishëm ishin po ashtu edhe forca të FNSH së Shkodrës, por nuk pati rezistencë.
Ndonëse bashkia Bulqizë kishte njoftuar rreth një muaj më parë pronarët e lokaleve për lirimin e ambienteve që përdoreshin për biznes nga pronarët që ushtronin aktivitetin nuk është marrë parasysh.
Aksioni për lirimin e ambienteve filloi që në orën 04.30 të mëngjesit. Një nga pronarët që kishte biznesin me qera u dëgjua duke thënë:
“Kam 5 fëmijë për të mbajtur me bukë. Mos e merr personale. Mbaje mend, ta kam treguar një herë unë ty.”
