“Kishte rrëmbyer mbi 60 vajza”/ Gruaja rrëfen ‘tmerrin’ që përjetoi me pedofilin e njohur

Njëra  nga viktimat e pedofilit Jeffrey Epstein ka zbuluar detaja tronditëse nga “fabrika e abuzimit seksual” që kishte shtëpia e tij në Karaibe.

Mjaft shokuese është historia e rrëfyer nga një grua në një emision të BBC në lidhje me një pedofil të quajtur Jeffrey Epstein.

Juliette Bryant flet për herë të parë mbi mënyrën se si ajo u mashtrua në ishullin e tij pranë Porto Rikos dhe u sulmua seksualisht.

Juliette shprehet: “Pasi më rrëmbyen, më urdhëronin të shkoja në dhomën e tij të gjumit të paktën tre herë në ditë. Në atë moment kishte edhe më shumë vajza. Pashë të paktën 60 vajza që shkonin.
Isha 20 vjeç kur më çuan atje, kështu që isha me fat, nuk isha aq e re sa disa nga vajzat e tjera. Ishte njësoj si një fabrikë, ai e drejtonte.

“Njerëzit pyesin pse u ktheva. Askush nuk iu bind Epsteinit. Para se të më dërgonin në shtëpi, ai më çoi në zyrën e tij dhe më tha se një grua e kishte akuzuar për përdhunim. Më kërcënoi se dinte emrat e pjestarëve të familjes time. E binda që isha besnikja e tij dhe kështu arrita të largohem.”

Kujtojmë që Epstein u arrestua në korrik të vitit 2019 dhe u vetëvra në qeli disa javë më vonë, teksa priste gjyqin.