Ish-deputeti i Partisë Socialiste Alqi Bllako është vetëdorëzuar në polici një ditë pasi la mandatin.
Mësohet se ai është paraqitur në Drejtorinë e Policisë në Tiranë.
Bllako është vendosur nën akuzë nga SPAK për çështjen e inceneratorëve.
Sipas Prokurorisë së Posaçme, ai akuzohet për veprat penale “shpërdorim detyre” dhe “korrupsion pasiv i funksionarëve të lartë shtetërorë”.
Një ditë më parë, Alqi Bllako dorëzoi në Kryesinë e Kuvendit letrën e dorëheqjes nga mandati i deputetit, një kërkesë që është pranuar. Kjo i hapi rrugë arrestimit të tij.
