Kryeministri Edi Rama nga Kuvendi iu përgjigj të gjithë qytetarëve që prej ditësh protestojnë për heqjen e taksës së naftës.
Ai insistoi se për sa kohë të jetë qeveria e tij në pushtet, kjo gjë nuk do të ndodhë, pavarësisht protestave.
“Në fokusin tonë, si familjet është edhe biznesi i vogël, mesatarja e ulët e rritjes së mundshme të faturës së energjisë në një biznes të vogël është 350-400 të vogla, që do të thotë një vend pune ikën, 95 mijë vende pune të nesërmen.
Ne nuk do ta lejojmë, është pandershme, nuk ka asnjë nder në të bërit avokati në heqjen e taksave. Derisa të jetë kjo qeveri këtu, taksat nuk lëvizin, as me shpifje, akuza apo protesta, asgjë tjetër”, u shpreh Rama.
