LIGJET E BIZNESIT
Kryetari i Komanduar i Partisë Demokratike Enkelejd Alibeaj sulmoi në një konferencë për mediat vendimin e kryetares së Kuvendit Lindita Nikolla për të anuluar mbledhjen e Këshillit të Mandateve.
Në takim pritej të diskutohej heqja e mandatit të deputetit të Partisë Socialiste Alqi Bllako, të cilin SPAK kërkon ta arrestojë pasi dyshohet si i përfshirë në aferën e inceneratorit të Fierit.
“Prokuroria ka paraqitur këtë kërkesë për dhënien e autorizimit për heqjen e mandatit të deputetit Alqi Bllako. Pas kësaj kërkese ka pasur nga kryetarja e Kuvendit një urdhër për mbledhjen e Këshillit të Mandatave dhe deputeteve, ditëmn e sotme ore 18:00. Ende nuk ka shkuar ora 18:00, por në adresën tonë elektronike jo më shumë se 20 minuta më parë vjen një mesazh nga kryetarja e Kuvendit në mënyrën më antiligjore ku është vendosur anullimi i mbledhjes së mandateve.
E çuditshme, e padëgjuar, në shkelje të Kushtetutës dhe në shkelje të kompetencave të Këshillit të Mandateve. Pasi kryetarja e Kuvendit thërret Këshillin e Mandateve është ai që vendos dhënien e autorizimit ose jo”, tha Enkelejd Alibeaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
