“Keqardhje në nivel personal, por kjo është reforma” Ja si e komenton Rama kërkesën e SPAK për të arrestuar deputetin e PS

Kryeministri Edi Rama ka komentuar sot kërkesën e SPAK për të arrestuar deputetin e Partisë Socialiste Alqi Bllako.

Ky i fundit dorëzoi mandatin përmes një shkrese drejtuar Kuvendit.

Bllako po hetohet në lidhje me aferën e inceneratorëve, gjatë kohës që kryente detyren e sekretarit të Përgjithshëm të Ministrisë së Mjedisit.

Pas mbledhjes së Kryesisë së PS, Rama theksoi se tashmë Reforma në Drejtësi po i jep frytet dhe se askush nuk është mbi ligjin.

“Deputetët janë të popullit, individët janë të vetes. Përpara ligjit nuk ka deputetë ministra, janë të gjithë të barabartë. Kjo është për të gjithë ata që nuk besonin se do bëhej reformë në drejtësisë në Shqipëri që nuk besonin që persona me imunitet do shkonin para drejtësisë. Në nivelin njerëzor, i keqardhur në nivelin e detyrës i shoh si rezultat i reformës në drejtësi që kemi bërë”, tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern