Çfarë ndodhi? Kuvendi anulon mbledhjen e Këshillit të Mandateve, ja SMS që iu dërgua anëtarëve

Kuvendi ka vendosur të anullojë mbledhjen e Këshillit për Rregulloren, Mandatet dhe Imunitetin.

Takimi u thirr për të shqyrtuar kërkesën e SPAK për dhënien e autorizimit për arrestimin e deputetit Alqi Bllako.

Anullimi i mbledhjes është bërë pasi deputeti socialist e ka dorëzuar vetë mandatin e deputetit, pasi tha se do të përballet vetë në Gjykatë dhe do të provojë pafajësinë.

NJOFTIMI I PLOTE

Në vijim të njoftimit pararendës për zhvillimin e mbledhjes së Këshillit për Rregulloren, Mandatet dhe Imunitetin

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ju bëj me dije se, pas depozitimit të shkresës për “Dorëzim të mandatit parlamentar” nga Z. Alqi Bllako, Kryetarja e Kuvendit me urdhërin nr. 24. datë 30.03.2022 ka urdhëruar anulimin e mbledhjes të Këshillit për Rregulloren, Mandatet dhe Imunitetin, e caktuar për tu zhvilluar ditën e mërkurë, datë 30.03.2022, ora 18:00.

Në e-mail tuaj zyrtar ju janë dërguar:

Shkresa e zotit Alqi Bllako për “Dorëzimin e mandatit parlamentar”
Urdhëri nr. 24, datë 30.03.2022 për anulimin e mbledhjes së Këshillit për Rregulloren, Mandatet dhe Imunitetin.