LIGJET E BIZNESIT
Pas situatës së rritjes së çmimeve për shkak të luftës në Ukrainë, presidenti i Francës Emmanuel Macron është shprehur se do të lëshojë kuponë për të ndihmuar familjet me të ardhura të mesme dhe të ulëta.
“Ne do të përballemi me një krizë ushqimore mbarëbotërore. Dua të vendos një kupon [sistemi] ushqimor për të ndihmuar familjet më modeste dhe klasën e mesme që përballen me këto kosto shtesë.”-tha Macron.
Kuponët e propozuar të ushqimit do të jenë të ngjashëm me sistemin aktual të vendit të kuponëve të energjisë, i cili, ndër të tjera, ndihmon në pagesën e faturave të energjisë elektrike dhe gazit të afërsisht 5.8 milionë familjeve me të ardhura të ulëta çdo vit, sipas të dhënave nga Ministria Franceze e Financave.
Macron ka thënë më parë se si Evropa ashtu edhe Afrika “do të destabilizohen thellësisht në furnizimet ushqimore”. Macron përsëriti se Franca dhe Evropa duhet të arrijnë përfundimisht pavarësinë ushqimore, një element kyç i axhendës së tij të fushatës për rizgjedhje. Raundi i parë i votimit për zgjedhjet presidenciale në Francë është planifikuar të mbahet më 10 prill.
Qeveria ukrainase ka ndaluar exportet e mallrave kryesore bujqësore, duke përfshirë grurin, misrin, drithërat, kripën dhe mishin. Ukraina është një nga furnizuesit më të mëdhenj në Evropë të prodhimeve bujqësore, sipas të dhënave nga Komisioni Evropian. Të kombinuara, Rusia dhe Ukraina janë përgjegjëse për pothuajse 30% të eksporteve globale të grurit, sipas Gro Intelligence, një firmë analitike e të dhënave bujqësore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
