LIGJET E BIZNESIT
Çmimi i naftës është rritur gjatë ditës së sotme në pikat me pakicë të tregtimit të karburantit. Një litër naftë po tregtohet me 221 lekë për litër, nga 203 lekë për litër që ishte më herët.
Benzina po tregtohet më lirë, kur ishte përgjithësisht një apo dy lekë për litër më shtrenjtë sesa nafta. Një litër benzinë sakaq, po tregtohet sot me 211 lekë, nga 206 lekë për litër që ishte më parë.
Ndryshimi i çmimeve erdhi pas vendimit të një dite më parë të Bordit të Transparencës, i cili fikson çmimet që prej tre javësh dhe rishikon periodikisht nivelin e tyre bazuar në ecurinë e çmimeve të karburanteve në tregjet ndërkombëtare.
Megjithatë, vendimi i Bordit nuk u bë publik dje, ndryshe nga rastet e mëparshme, kur rishikimi kishte qenë në ulje. Kjo është hera e parë që bordi vendos rritjen që nga krijimi i tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
