Përplasjet për KZAZ, reagon zëdhënësi i Metës: Presidenti mban shënim ata që shkelin ligjin

Pas përplasjeve të forta dhe tensioneve që kanë ndodhur ditët e fundit në Shkodër dhe Tropojë ku Partia Demokratike kërkon që të lirohen zyrat e KZAZ-së ka ardhur dhe reagimi i Presidencës.

Përmjes një statusi në rrjetet sociale, zëdhënësi i Metës Tedi Blushi shkruan se Presidenti vlerëson të gjithë institucionet që respektojnë ligjin dhe nga ana tjetër do të mbajë shënim emrat e të gjithë atyre që provokojnë tensione artificiale.

“Presidenti Meta vlerëson të gjitha institucionet që zbatojnë ligjin dhe i inkurajon që ta bëjnë këtë me përgjegjshmëri maksimale dhe transparencë të plotë.
Presidenti Meta mban shënim të gjithë personat që shkelin ligjin dhe provokojnë tensione artificiale, të cilat u shërbejnë vetëm atyre grupimeve të errëta vendase dhe të huaja, që kërkojnë destabilitet në Shqipëri dhe rajon, me qëllim defaktorizimin e Shqipërisë dhe shqiptarëve.”- shkruhet në status.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern