LIGJET E BIZNESIT
Pranojeni: Sado të aftë të jeni për të menaxhuar emocionet dhe për t’u përshtatur menjëherë me të tjerët, takimi i parë me prindërit e partnerit/es është gjithmonë i sikletshëm. Pasi përfundojnë përshëndetjet dhe fjalitë tipike të një takimi të parë me njerëz të panjohur, mund të përballeni me sikletin e temës së diskutimit. Çfarë të pyesni? Ja disa ide të këndshme.
1. Si ishte [emri i partnerit/es] kur ishte fëmijë?
Nëse ekziston një temë e sigurt për të vazhduar bisedën, është të pyesni prindërit e partnerit/es rreth fëmijërisë. Ndoshta do të mësoni diçka të ëmbël. Ose akoma më mirë, prindërit e tij/saj mund të tregojnë disa histori qesharake që do ta bëjnë më të këndshëm takimin.
2. [Emri i partnerit/es] më tha që ju pëlqen [përmend diçka që e keni të përbashkët]. Edhe unë njësoj. Si nisi për ju?
Bisedoni paraprakisht me partnerin/en para se të takoni prindërit dhe përpiquni të zbuloni ndonjë detaj të përbashkët. Të gjithë ndihen rehat kur flasin për një temë që e njohin ose për një përvojë të përbashkët.
3. [Emri i partnerit/es] më tha [përmend një fakt]. Është e vërtetë?
Gjeni disa detaje interesante për prindërit e tij/saj. Do të ishte mirë të përmendnit diçka që ata me gjasë ndihen krenarë. Do të ndihen mirë dhe kjo tregon se keni interes ndaj tyre.
4. Si u njohët?
Kush nuk gëzohet me një histori dashurie? Është e natyrshme t’i pyesni për lidhjen e tyre. Nostalgjia është një mënyrë e përsosur për t’u lidhur më shumë me të tjerët.
5. A ju pëlqen të udhëtoni shpesh?
Udhëtimet janë një tjetër temë e pëlqyeshme. Në një diskutim të tillë përmenden edhe histori të së kaluarës apo vendet e preferuara. Mund të pyesni edhe për sugjerime vendesh.Anabel
