‘Çmendet’ i riu gjirokastrit/ Shkatërron kamerat e sigurisë në Komisariat, kapet keq me policët

Policia e Gjirokastrës ka arrestuar një 33-vjeçar, i cili ka kundërshtuar efektivët dhe ka shkatërruar kamerën e sigurisë në dhomën e shoqërimit në Komisariat.

Në pranga ka përfunduar shtetasi me iniciale O. C., pasi gjatë një konflikti me një shtetas tjetër, në lagjen “18 Shtatori”, Gjirokastër, ka kundërshtuar punonjësit e Policisë, të cilët kanë ndërhyrë për të parandaluar përshkallëzimin e konfliktit.

Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin O. C., 33 vjeç, banues në lagjen Cfakë, Gjirokastër.

Ky shtetas, gjatë një konflikti me një shtetas tjetër, në lagjen “18 Shtatori”, Gjirokastër, ka kundërshtuar punonjësit e Policisë të cilët kanë ndërhyrë për të parandaluar përshkallëzimin e konfliktit.

Pasi është shoqëruar në ambientet e Komisariatit të Policisë Gjirokastër, 33-vjeçari ka shkatërruar kamerën e sigurisë në dhomën e shoqërimit.

Materialet në ngarkim të shtetasit O. C. i kaluan Prokurorisë pranë Gjykatës së Shkallës së Parë Gjirokastër, për veprat penale “Kundërshtimi i punonjësit të policisë së rendit publik” dhe “Shkatërrimi i pronës”.