Gazetari Artan Hoxha tha sonte se Lulzim Basha nuk e kishte menduar kurrë se çështja “Toyota Yaris” do të hetohej nga prokurorët belgë.
Ai tha në Euronews se Basha e çoi akuzën drejt një grupi, i cili nuk ka lidhje fare me paratë që po vinin dhe përmendi Elbasanin për ta lidhur grupin me Taulant Ballën dhe më pas me qeverinë.
“Ai e çoi akuzën drejt një grupi, i cili nuk ka lidhje fare me paratë që po vinin. Pra ai e çoi diku ku ngjarjet po zhvilloheshin politikisht. E çoi në Elbasan që ta lidhte me Ballën, dhe nëpërmjet Ballës ta lidhte me qeverinë. Duke pasur parasysh se si funksionon Basha edhe për ngjarjet tjera, gabimi i tij është se nuk ka menduar që kjo çështje mund të përfundonte në hetim të autoriteteve belge. Basha ka kujtuar se është si këto historitë në Shqipëri që mbyllen këtu”, u shpreh Hoxha.
