Rritja e çmimit të naftës, fermerët e Devollit në protestë

Rritja e çmimit të naftës ka nxjerr në protestë dhjetra fermerë të zonës së Devollit. Ata kanë dal së bashku me mjetet e tyre bujqësore për të kundërshtuar rritjen e çmimit të karburantit, që sot shitet të paktën 194 deri në 198 lekë për litër.

Si pjesë e shqetësimeve të tyre është edhe rritja e çmimit të plehrave kimike të cilat i përdorin gjatë punimit të tokës. Fermerët kërkojnë që qeveria të ndërhyjë për të ulur kostot e prodhimit dhe për të rritur subvencionet në këtë sektor.