“Mashtroi se do të merrte pjesë në Sanremo” Pas akuzave të kryetarit të Këshillit të Medias, reagon Antonela

Kryetari i Këshillit të Medias Koloreto Cukali, pak ditë pas përfundimit të festivalit italian “Sanremo”, tha përmes Top Albania Radios se pjesëmarrja e ish-konkurentes së “Përputhen” Antonela Berisha në këtë spektakël ishte thjesht një mashtrim.

Sipas tij, ishte një media e shtetit fqinj që e postoi dhe më pas e fshiu.

Si një ndjekës i rregullt i “Sanremos”, ai ka kërkuar për pjesëmarrjen e Antonelës dhe nuk i ka rezultuar asgjë e tillë.

Gjithashtu Cukali tha se ekzistonte vetëm një scceenshot, nga një portal italian, por që sot nuk është.“Unë atë portalin nuk e gjej më.

Ka portale që paguan. Kjo puna e Sanremos është thjesht në kokën e zonjushës, Antonela Berisha. Sanremo është një qytezë, që edha ai që shet byreqe, thotë jam në Sanremo. Mirëpo, pjesëmarrja në qytet nuk të bën pjesë të një spektakli”, u shpreh ai.Menjëherë pas këtij lajmi ka reaguar vet Antonela përmes një video mesazhi të gjatë ku sqaron gjithë situatën.

Ajo zbulon se asnjëherë nuk ka thënë që do të jetë pjesë e Sanremos por ‘’kumbara e javës’’ dhe më pas ka publikuar screenshoot-et e postimeve dhe pamje nga prapaskenat e angazhimit të saj në festival.Mes tjerash Antonela ka thënë se gazetari në fjalë po e sulmon për faktin se ajo nuk i ka pranuar asnjëherë ftesën për ne emisionin e tij.