Në kohën që në Kuvend vijon debati prej 3 orësh tashmë për shkarkimin e presidentit Meta, ky i fundit ka vijuar takimet me partitë e tjera në lidhje me datën e zgjedhjeve..
Bëhet me dije se presidenti Ilir Meta ka zhvilluar një takim me kryetarin e partisë “Zgjidhja”, Koco Kokëdhima, i cili më parë ka qenë një nga aleatët më të ngushtë të Ramës.
Kryeministri gjatë fjalës së tij të sotme në Kuvend ka shigjetuar ashpër presidentin Meta duke thënë se ai ka frikë nga Drejtësia dhe se i ka borxh Shqipërisë.
Po kështu presidenti i vendit do të vijojë me takimet edhe partitë e tjera të vogla në vend në lidhje me ngërçin politik dhe caktimin e datës së zgjedhjeve. Dje në darkë Meta zhvilloi një takim për këtë çështje me aleatët e PD-së në Presidencë.
