Kryeministri Edi Rama e ka nisur fjalimin e tij në Kuvend me akuza të ashpra drejtuar presidentit Ilir Meta, pas vendimit që ky i fundit mori për anulimin e zgjedhjeve vendore të 30 qershorit.
Gjatë fjalës së tij Rama u shpreh se Ilir Meta është politikani i vetëm që Shqipëria i ka bërë shumë ndere si edhe i janë falur skandalet në të gjitha rolet politike që ka pasur: si kryeministër, kryetar kuvendi si dhe president.
“Ky kuvend sot duhet të ishte kuvendi i bashkimit të njëzëshëm të gjitha forcave politike për të tërhequr vëmendjen e të gjitha shteteve anëtare të BE. Ky kuvend duhet tu drejtohej me një rezolutë për tu kërkuar njohjen e meritës së Shqipërisë e kushteve të vëna prej tyre dhe miratimin e rekomandimit të KE për celjen e negociatave.
Por fatkeqësisht Kuvendi është i detyruar të merret me një akt brutal, të patolerueshëm të Metës.
E pyes shpesh veten cfarë kërkon më shumë Ilir Meta nga Shqipëria. Kujt i ka bërë Shqipëria më shumë ndere sesa këtij njeriu. Të cilit pa mbushur ende 50 vjec e ka bërë edhe kryeministër, edhe kryetar kuvendi edhe kryetar të republikës.
Kujt më shumë se Ilir Metës i janë falur skandalet dhe i është dhënë mundësia të rilindë i burrëruar, kujt përpara Ilir Metës i takon të pyesë veten që ti lajë borxhet, që t’ua lajë shqiptarëve llumin me borxhe që u kam, socialistëve borxhet e të gjitha rasteve që më kanë mbështetur, më kanë toleruar. Janë pyetje retorike këto, historia e shtetit nuk e gjen një të dytë politikan që të ketë qenë si ai. Iliri është mësuar keq, ta tundojë zotin e tij, fatin e tij, duke u bërë me vend e pavend protagonist i një skene ku Metës asnjëherë nuk i mjafton vendi që ka.
Jo president të Republikës por mbret të të gjithë shqiptarëve po ta shpallin prapë se prapë ai nuk do ndjehej mirë. Nu kdo ndalej së tunduari fatin e vet, me pangopësinë e tij, me pagjumësinë e tij. Sot jemi këtu dëshmitarë të një zarari të madh”, tha Rama.
