“Do ta zbuloj sot në orën 20:00” Presidenti Meta nxjerr foton me Berishën dhe paralajmëron

Kreu i Shtetit ka paralajmëruar se do të bëjë transparencë të plotë mbi një takim që ka ndodhur mes tij dhe ish-kryeministrit Sali Berisha.

Ky i fundit ditën e hënë, më 31 janar, deklaroi gjatë një interviste televizive se përveç politikanëve të tjerë, ai kishte pasur një takim edhe me Presidentin Ilir Meta.

Berisha u shpreh se takimet janë bërë për konsultime mbi mundësinë për garimin në zgjedhjet e 6 marsit të kandidatëve të dalë nga Primaret.

Kreu i shtetit, në një postim në rrjetet sociale, teksa ka publikuar edhe një foto të vjetër të takimit të tij me Sali Berishën, në ambientet e Presidencës, thotë se gjithçka do ta sqarojë sonte në mbrëmje në një intervistë televizive në orën 20:00.

“Për të gjithë të trishtuarit, të gëzuarit apo të pavarurit, qoftë dhe indiferentët, që duan të dinë të vërtetën e takimit me ish-Presidentin dhe ish-Kryeministrin, Sali Berisha, në ç’rrethana, kur dhe ku ka ndodhur ky takim, sonte tranparencë e plotë,”- shkruan Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern