LIGJET E BIZNESIT
Pas aksidentit të rëndë që ndodhi sot në aksin rrugor Librazhd-Elbasan, ku humbën jetën 3 persona dhe u plagosën 2 të tjerë, ka folur dhe një dëshmitar në vendin e ngjarjes.
Ai tregoi se nxjerrja e trupave ishte shumë e vështirë dhe se fillimisht jashtë makinës ka parë vetëm një djalë të ri të plagosur.
Sipas tij tre viktimat kishin ngecur brenda mjetit dhe duheshin shkallë të gjata për të manovruar nxjerrjen e tyre nga gremina.
Burri theksoi se vendi ku ka ndodhur aksidenti tragjik është mjaft i rrezikshëm dhe se është hera e tretë që ndodh një gjë e tillë.
Operacioni i nxjerrjes së trupave ka qenë mjaft i vështirë, për shkak të terrenit mjaft të thyer, si dhe rrjedhës së lumit, e cila ka qenë e furishme për shkak të reshjeve të shiut që kanë rënë gjatë natës.
Është dashur ndërhyrja e fadromës për të bërë të mundur nxjerrjen e mjetit nga lumi, ndërkohë që kërkimet në lumë janë kryer dhe nga polumbarë të mbërritur nga Tirana.
