Denoncimi i fortë i ish-drejtorit të Policisë: Vrasësi i komisar Cukut është liruar në Greqi

Vrasja e komisarit Artan Cuku edhe pse kanë kaluar vite vijon të jetë një ngjarje që ka mbetur në memorien e të gjithëve.

Për këtë ngjarje vjen një denoncim i fortë i ish-drejtorit të Policisë së Shtetit, Ahmet Prençi.

Ky i fundit përmes një statusi në facebook ka lëshuar akuza të ashpra në drejtim të Ministrisë së Brendshme në lidhje me lirimin e të akuzuarit për vrasjen e komisarit.

Postimi i Ahmet Prencit:

Vritet për herë te tretë Drejtues i Parë i policisë Artan Cuku.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Me daten 9 Prill 2019, Ministri Brendshëm në një ceremoni ku i akordoi Artan Cukut titullin “Dëshmor i Atdheut”, deklaroi se porositësi i kësaj vrasje Bledar Jambelli është arrestuar në Greqi me datën 29 dhjetor 2018 dhe se pritej ekstradimi i tij. Sot mësojmë se tre ditë pas ceremonisë së Ministrit, ky kriminel është liruar nga autoritetet greke dhe që atëherë gëzon lirinë. Çdo mekanizëm shtetëror që merret me këtë çështje ka refuzuar me orë të tëra të japë informacion mbi këtë fakt.

Ekzekutori i drejtpërdrejtë i drejtuesit të policisë është dënuar me vendim qesharak, me vetëm 10 vjet burg dhe për pak vite pritet të jetë i lirë. Ky vendim ishte vrasja për së dyti e Artan Cukut. Sot mësojmë dhe këtë lajm që përbën vrasjen për herë të tretë të Dëshmorit të Atdheut…

Nëse autoriteteve greke nuk u janë vënë në dispozicion materialet e duhura, nëse është neglizhuar me dashje apo pa dashje, ky rast përbën jo vetëm skandal por dhe vepër penale që duhet hetuar me urgjencë dhe përgjegjshmëri të lartë.

Tashmë titulli “Dëshmor i Atdheut” është vetëm një alibi. Drejtuesi i policisë i hedhur në rrugë, vritet sepse kurrë nuk u njoftua e as u mbrojt prej rrezikut dhe braktiset; edhe i vdekur!

Tronditëse, alarmante!!!