E rëndë në Kukës, po lahej në pishinë, humb jetën 12-vjeçari

Një ngjarje e rëndë ka ndodhur sot në fshatin Kodër Lumë të Kukësit.

Bëhet me dije se një 12-vjeçar ka ndërruar jetë teksa po lahej në një pishinë.

Policia shkruan se i mituri i cili ka humbur jetën është A.L.

Ende nuk janë të qarta rrethanat e vdekjes së të miturit, ndërkohë që grupi hetimor po punon për zbardhjen e plotë të ngjarjes.

Kukës/ Informacion paraprak.

Sot, fëmija i mitur A.L., rreth 12 vjeç, banues në Kukës, duke u larë në pishinë në fshatin Kodër Lumë, ka gjetur vdekjen.

Grupi hetimor ndodhet në vendin e ngjarjes ku po punon për sqarimin e rrethanave të ngjarjes.