Shembet ndërtesa shumëkatëshe, humbin jetën dy persona, zhduken disa të tjerë

Një ngjarje tragjike ka ndodhur në Itali, ku është shembur një ndërtesë 4-katëshe.

Mediat bëjnë të ditur se dy persona janë nxjerrë të vdekur nga rrënojat, dy gra janë nxjerrë të gjallë, teksa 7 rezultojnë të zhdukur, mes tyre edhe fëmijë.

Ngjarja ka ndodhur mbrëmjen e kaluar. Dyshohet se shkak është bërë këputja e një tubi në gazsjellësin e qytetit dhe ajo që shkaktoi shpërthimin mund të ketë qenë aktivizimi i ashensorit të godinës që edhe ai u shemb.

Ekipi i kërkim-shpëtimit vijon punën për të gjetur personat e tjerë të zhdukur. Janë evakuuar banorët që kanë shtëpinë në atë zonë.