Majoneza është një nga përbërësit kryesor të sallatës ruse, kaq të dashur për këdo.
AgroWeb.org ju sugjeron që nëse më parë e përgatisni sallatën ruse me majonezë të blerë, këtë vit ta përgatisni të freskët.
Nuk ka asgjë të vështirë dhe me sekretin që do t’ju zbulojmë keni për t’ia dalë mbanë.
Siç e dini majoneza është kombinimi i vezëve dhe vajit.
Janë këta produkte që nëse rrihen krijojnë një salcë të trashë dhe të plotë me shije fantastike.
Për ta përgatitur mund të përdorni rrahësin elektrik të vezëve ose grirësen e perimeve.
Të dyja funksionojnë më sa miri dhe nuk do t’ju mundojnë aspak.
Përgatisni Përbërësit
Një nga sekretet e shefave është pikërisht përgatitja e përbërësve të recetës.
Me të drejtë do të thoni, ç’janë këto që po shkruajmë, por mos e anashkaloni këtë hap.
Përgatitja e përbërësve ka të bëjë me temperaturën e produkteve.
Ndaj para se të nisni përgatitjen e majonezës, nxirrini vezët dhe vajin dhe lërini në temperaturë ambienti.
Mjafton t’i linin ë banak për 15-20 minuta dhe gjithçka do të jetë gati.
Nëse ju do të përdorni vezët direkt sapo i nxirrni frigoriferi, pavarësisht përpjekjeve tuaja, ato nuk do të lidhen me vajin.
Kështu majoneza do të dali e ujshme dhe do të ndjehet aroma e pakëndshme e vezës.
Raporti mes Përbërësve që Duhet të Ndiqni
Keni vënë re se edhe kur i keni zbatuar të gjitha këshillat e recetës, majoneza nuk ju ka dalë siç duhet?
Diçka e tillë ndodh kur raportet mes përbërësve nuk janë në përpjesëtimin e duhur.
Nëse doni një majonezë të plotë, të mpiksur sa duhet dhe me shije perfekte ndiqni këtë këshillë.
Thyeni vezët në enën matëse të lëngjeve dhe matni sasinë e tyre.
Këtë sasi shumëzojuni me tri herë dhe sapo keni gjetur sasinë e vajit që duhet të shtoni.
Pra nëse vezët tuaja janë 50ml atëherë duhet të shtoni 150ml vaj.
Provoni ta përgatisni duke ndjekur këto hapa dhe do të shihni që rezultati do të jetë shumë herë më i mirë se majoneza e blerë./AgroWeb.org
