Kryetari i Partisë Demokratike Lulzim Basha po zhvillon një aktivitet para selisë blu me rastin e 31-vjetorit të themelimit të kësaj force politike.
Ndërkohë paralelisht po mbahet edhe Kuvendi Kombëtar i PD i organizuar nga ish-kryeministri Sali Berisha në stadiumin “Air Albania”.
Duke zbuluar memorialin e vendosur para godinës së selisë blu, Basha u shpreh se kjo është një ditë kuptimplotë për demokratët.
“Jam përpara jush si kryetar i një familje politike që di të pranojë gabimin, të kërkoj falje, të korrigjohet, të ecë përpara drejt së ardhmes”, tha Basha.
